Novenna to Blessed Peter ToRot - Day 3

14/09/2015 19:49

Singsing: Pita ToRot
Rit: GST 3:1-9

Hettok: Ol gutpela manmeri i sindaun wantaim God.

Ol lain bilong Satan bai l lus, tasol taim ol stretpela manmeri i dai pinis, ol i save stap long han bilong God, na ol i no ken karim pen moa. Ol longlong manmeri i ting, ol dispela stretpela manmeri i bin kisim bikpela bagarap na ol i lus na ol i pinis olgeta. Tasol i nogat. Ol dispela gutpela manmeri i stap bel isi nau. Long ai bilong ol manmeri i luk olsem ol i kisim pe nogut. Tasol ol dispela gutpela manmeri i gat strongpela bilip, bai ol i stap gut oltaim.

Tru ol i karim pen, God i rausim ol long pasin nogut bilong ol na ol i kamap gutpela tru, na ol inap indaun wantaim God. Ol man i save makim wankain pasin long ol. Ol i kukim gol long paia i hot tumas, bilong rausim pipia na kisim gutpela gol tru. Yes, God i belgut long ol stretpela man, na em i kisim ol olsem em i save kisim ol ofa, paia i kukim olgeta. Taim God i kam long stretim ol gutpela manmeri bai ol i lait olsem bikpela paia i kukim kunai. Ol gutpela manmeri bai i bosim olgeta lain pipel na olgeta kantri, na Bikpela bai i stap king bilong ol inap oltaim oltaim. Ol manmeri i bilip strong olsem, God i was gut long ol, ol bai i klia long as tingting bilong em. Na ol manmeri i bin bihainim lo bilong God, ol bai i stap wantaim em na laikim em oltaim. Long wanem, God i gutpela tru na em i save marimari long olgeta manmeri em i makim pinis.

Dispela em tok bilong God.                      Yumi tenkim God.

Bekim: Bikpela em i lait bilong mi na helpem bilong mi.

Pre: Bikpela em i lait bilong mi na helpim bilong mi. Bai mi prêt long husait?
Bekim

Pre: Mi bilip tru bai mi lukim ol gutpela samting bilong God long taim mi stap yet long dispela graun. Bikpela bai strongim bel bilong yu. Sanap strong na wetim em. Bekim.

Pre bilong ol pipel (Nau ol pipel i autim ol petition bilong ol.)

Singsing:

Namba 3 hap korona: Ol i putim rop i gat nil long het bilong  Jisas.

Tingting i go pas: Ol i putim dispela rop i gat nil long het bilong Jisas bikos ol i laik tok pilai long em, “Yu tok, yu king bilong heven na graun, tasol nau yu olsem samting nating. I nogat ona long yu, i nogat strong long yu.” Jisas i olgeta ona bilong graun bilong bekim pasin bilong apim nem bilong yumi.

Singsing: