Novenna to Blessed Peter ToRot - Day 8

14/09/2015 19:55

Singsing: Pita ToRot.

Hettok: Ol man bilong graun bai i birua long ol disaipel.

Jisas i tok, “Sapos ol manmeri bilong graun i birua long yupela, orait yupela i no ken lus tingting, pastaim ol i birua long mi tu. Sapos yupela i stap olsem ol man bilong dispela graun, orait ol manmeri bilong dispela graun inap long laikim yupela olsem ol lain bilong ol yet. Tasol yupela i no man bilong dispela graun. Nogat. Mi  makim yupela pinis bai yupela i lusim pasin bilong dispela graun. Olsem ol manmeri bilong dispela i save birua long yupela. Yupela i mas tingim gut dispela tok mi mekim long yupela. Wokboi i no winim bikman bilong em. Sapos ol i bin mekim nogut long mi, bai ol i mekim nogut long yupela tu. Na sapos ol i bin bihainim tok bilong mi, orait bai ol i bihainim tok bilong yupela tu. Tasol ol i no save long Papa, em i salim mi na mi kam. Olsem na bai ol i mekim olgeta pasin nogut long yupela, long wanem, ol i save yupela i lain bilong mi.

Dispela  em i tok bilong God.                               Yumi tenkim God

Bekim: Mi singsing long Bikpela, em i kisim bek mi.

Pre: Bikpela, mi laik liptimapim nem bilong yu, long wanem yu kisim mi bek pinis. Na yu no larim ol birua i lap nogut long mi. Bikpela, mi bungim ol lain bilong ol manmeri i dai pinis, tasol yu givim bek laip long mi.
Bekim.

Pre: Bikpela, harim mi na marimari long mi. Bikpela, yu kam na helpim mi. Yu tanim sori bilong mi i kamap amamas. Bikpela, yu God bilong mi, bai mi tenkyu long yu inap oltaim oltaim.
Bekim.

Pre long ol pipel (nau ol pipel i autim ol petition bilong ol.)

Singsing:

Namba 3 hap bilong korona: Jisas i salim Holi Spirit i kamdaun.

Tingting i go pas: Jisas i salim Holi Spirit i kam daun long ol Aposel. Holi Spirit i strongim ol long mekim dispela wok mission bilong ol. Yumi kisim Holi Spirit long sacramen bilong confirmasio. God i makim yumi tu long wok insait long sios na long kirapim Kingdom bilong em hia long graun.

Singsing: